"İke däwlätle çişeleşne xuplarğa däwam (дәвам) itäçäkbez"
Bu xaqta Berläşkän Millätlär Oyışması süzçese citkerde
2043413
Berläşkän Millätlär Oyışması süzçese Stefan Duyarrik könlek matbuğat oçraşuında jurnalistlarnıñ sorawlarına cawap birde.
İzrail prem’yer-ministrı (прeмьeр-министры) Binyamin Netanyaxunıñ BMOnıñ 78nçe ğomum şurasına möräcäğatendä tarixi Fälästin cirlären İzrail çikläre êçendä kürsätüçe karta qullanuına Duyarrik bolay dip cawap birde: “Äğza (Әгъза) illärneñ ğomum şurada närsä äytüe yäisä närsä kürsätüenä qatışa almıybız , qatışırğa telämibez dä.”
Stefan Duyarrik bu kartanıñ Berläşkän Millätlär Oyışmasınıñ totışın çağıldırmawın citkerep: “Bez härwaqıt İzrail-Fälästin mäs’äläsendä ike däwlätle çişeleşne xuplarğa däwam (дәвам) itäçäkbez,” – dide.