Şaxtadağı yanğın 16 "can aldı"

Qıtaynıñ Giku provinŝiyasendä ber kümer şaxtasında çıqqan yanğında 16 keşeneñ ğomere özelde.

Cirle citäkçelektän yasalğan açıqlawğa kürä Panku şähärendäge Şanciaoşu kümer şaxtasında kiçä irtänge sägät’lärdä yanğın çıqtı.

Däwlätkä bäyle Giku Panŝyan çistartılğan kümer kompaniyase tarafınnan êşlätelüçe şaxtadağı yanğında 16 êşçe yaqtı dön’yadan kitte.

Başta şaxtadan kümer çığaruçı platformanı taşuçı qayış yana başlıy. Ut yalqınnarınıñ qapqalarnı çornap aluı belän êşçelär êçtän çığa almıy qala.

Ğadättän tış xällär ministrlığı qotqaru êşçänleklären alıp baru öçen ber êş törkemen provinŝiyağa cibärde, ikençe qazalarğa kiterä alaçaq qurqınıçsızlıq riskların beterüne soradı.

Qıtay däwlät şurasına bäyle Êş qurqınıçsızlığı komissiyase dä yanğın säbäben bilgeläw häm cawaplı keşelärne cäzağa tartu öçen tikşerü başlatırğa boyırdı.

Waqıyğadan soñ provinŝiyadäge şaxtalar ber köngä êşçänleklären tuqtatqan.