Balalar häm yäşüsmerlärneñ tuqlanuında taypılışlar

Dön’yadağı balalar häm yäşüsmerlärneñ 22%ında tuqlanu taypılışı bilgeläre kürenä.

Belgeçlär monıñ öçen 16 ildän 32 tikşerüne çağıştırdı häm analizladı. Näticädä balalar häm yäşüsmerlärneñ 22%ınıñ döres tuqlanmawı açıqlandı. Bu kürsätkeç gäwdä massası yuğarı indekslı häm yäşüsmerlektän olılıqqa küçeş çorındağı qızlar arasında tağın da zurraq.

Tikşerenüdä bilgeläp ütelgänçä, balalarnıñ tuqlanu bozıqlığın yäşerä aluları yäisä oyaluları öçen yärdäm aludan çitensenüläre mömkin. Şul säbäple alar tulı däwalaw (дәвaлау) uzmıy.

İspaniyädäge Kastiliya – La Mança universitetı belgeçe, tikşerenüçe Xose Franśisko (Фрaнцискo) Lopes-Gil bolay di: “Döres tuqlanmaw (туклaнмaу) balalar häm yäşüsmerlär arasında citdi problema. Bu taypılışnı waqıtında açıqlaw häm köräşü soñğa taba kilep çığaçaq sälamätlek problemaların buldırmıy qalu öçen ähämiyätle”.  Anıñ äytüençä, olılarnıñ üzlärendä dä, balalarda da tuqlanu bozılu bilgelären kürep aluı kiräk. Bolar gel kilo öçen borçılu, tuqlanuda kisken qağıydälär, çiktän tış küp aşaw (aшaу) bulırğa mömkin.

Lopes-Gil balalarda tuqlanuda taypılışlar kürenügä belgeç belän kiñäşläşergä kiräklegen assızıqlıy. Ul ata-analarnı balalarına monıñ oyalırday xäl bulmawın añlatıp teräk bulırğa çaqıra.