Zelenskiynıñ Aq Yort häm Kongressqa baruı kötelä

Ukraina däwlät başlığı Volodimir Zelenskiy Amerika Quşma Ştatlarında Aq Yort häm Kongressta bulaçaq.

İsemen belderergä telämäwçe AQŞ wäqalätlese citkergänçä, Zelenskiy, kiläse atnada N’yu-Yorkta uzuçı BMO ğomumi şurasında qatnaşqannan soñ, pänceşämbe könne ilbaşı Djo Bayden belän Aq Yortta oçraşaçaq.

AQŞ Kongressında xäzerge waqıtta Ukrainağa östämä 21 milliard dollarlıq yärdäm paketı bäxäsläre kön üzägendä. Qayber cömhüriyätçelär älege yärdämnärne tuqtatu häm federal’ byudjettağı çığımnarnı qısqartu yaqlı.

Zelenskiy uzğan dekabr’ ayında Vaşingtonğa säfäre waqıtında Kongressqa möräcäğat’ itep AQŞnıñ Ukrainağa yärdämnäreneñ “xäyriyä” tügellegen, ä dön’yaküläm iminlek häm demokratiyägä kertem buluın äytkän ide.