BMO Keşe xoquqları şurasında Qor’ängä höcümnär tikşereläçäk

BMO Keşe xoquqları şurasınıñ 54nçe çirattağı utırışı Şveyśariyäneñ (Швейцариянең) Jeneva qalasında başlandı.

Utırışta BMO keşe xoquqları yuğarı komissarı Volker Türk, BMO Keşe xoquqları şurasınıñ 2023nçe yılnıñ çirattağı başlığı Çexiyanıñ BMO Jeneva ofisı qarşındağı daimi wäkile, tulı wäqalätle ilçese Vaślav (Вацлав) Balek, Törkiyäneñ BMO Jeneva ofisı qarşındağı daimi wäkile, tulı wäqalätle ilçe Güvän Bägäç, Tön’yaq Kipr Törek Cömhüriyäteneñ Jeneva wäkile Kemal’ Köprülü belän başqa illärneñ BMO oyışmalarınıñ wäkilläre qatnaştı.

Komissar Türk utırışnıñ açılış çığışında dönyanın här cirendä keşelärneñ yaxşı yäşäw standardın teläwen häm moña xaq-xoquqlarınıñ buluın belderde.

Türk keşelärneñ azıq-tölekkä ireşü, arzan mediśina (медицина) yärdämen alu, belem häm forsat tigezlege, çista moxit häm çığanaqlarnıñ ğadel büleşüe näticäsendä yaxşı iq’tisadi torış kebek xaqlı kötkännäreneñ buluına basım yasadı.

"Qayber Awrupa illärendä Qor’än-ı Kärimne yandıru waqıyğaları cämğıyätlär êçendä häm illär arasında bülenügä säbäp buldı”, - dip äytüçe Türk: “Bu mäs’äläne 53/1 nomerlı qarar nigezendä 6nçı üktäbrdä tafsille itep qarap çığaçaqmın”, - dip belderde.

Greśiya (Греция) su kiñlegendä barlıqqa kilgän ber köymä qazasında ğına da 600dan kübräk keşeneñ ğomereneñ özelüe belän bergä bıyıl Urta diñgezdä 2 meñ 300dän kübräk keşeneñ ülüen añlatuçı Türk moña kürsätelgän wayımsızlıqqa şaqqatuın äytte.

Türk La-Manş diñgeze belän bergä Awrupanıñ tirä-yağındağı diñgezlärdä tağın da kübräk qaçaqnıñ häm migrantnıñ iğ’tibar itelmiçä ülüen belderde.

Türk tağın da yaxşıraq säyäsätlär häm sistemalar tözü öçen tänqıyti, yañalıq tarafdarlı häm konstruktiv qaraşlarğa ixtıyac buluın iskärtep uzdı.

Rusiyä belän arasında 2022nçe yılnıñ fevralennän birle xökem sörgän suğışnıñ Ukrainanı fäläkätkä alıp baruına işarät itüçe Türk: "Rusiyäneñ iyül’dä Qara diñgez aşlıq kereşüennän çigenüe, (Ukrainada) Odessadağı häm başqa urınnardağı aşlıq qorılmalarına höcümnär bik küp üsep kilüçe ildä bäyälärneñ qabat bik yuğarı däräcädä artuına säbäp buldı. Bik küp keşe öçen azıq-tölek xoquqı ireşelä alınmaslıq xälgä äylände”, - dip äytte.

BMO Keşe xoquqları şurasınıñ 54nçe çirattağı utırışı 13nçe üktäbr’gä qadär däwam (дәвам) itäçäk.