50 yäş'tän keçelärneñ yaman şeş belän awıru oçraqları arttı
30 yıl êçendä qurqınıç san 80%qa kübäygän
Fänni ber tikşerenü dönya külämendä 50 yäş’tän keçe keşelärdä yaman şeş belän awıru oçraqlarınıñ 30 yıl êçendä yaqınça 80%qa artuın kürsätte. İrtä başlawçı çir 1990nçı yılda 1 million 820 meñ keşedä terkälsä, 2019nçı yılda inde yl 3 million 260 meñgä citte. Bu çorda 40, 30 yäş’lärendäge häm tağın da keçeräklärneñ yaman şeştän üleme dä kübäyde.
2019nçı yılda 50 yäş’tän keçe 1 million 60 keşe älege çirdän ülgän. Bu san, 1990nçı yıl belän çağıştırğanda, 27%qa zurraq.
Ğalimnär awıru oçraqlarınıñ artu säbäben naçar tuqlanu, alkogol’ häm tämäke qullanu, az xäräkät itü häm cimezlek buluın belderä.
Tikşerüneñ xisabında bolay diyelä: “1990nçı yıldan birle irtä başlanuçı yaman şeş oçraqlarınıñ yış oçrawı häm annan ülemnär dön’ya külämendä ähämiyätle däräcädä arttı”. Belgeçlär, döres tuqlanu, naçar ğadätlärdän yıraq toru häm açıq hawada xäräkätne dä kertep, sälamät yäşäw räweşen propogandalawnıñ irtä yäş’tä yaman şeş belän awırunı kimetä aluın söyli.
