8 millionnan artıq keşe gumanitar yärdämgä moxtac

Nigeriyanıñ tön’yaq-könçığışında terrorçı höcümnäre säbäple yaqınça 8,3 million keşe gumanitar yärdämgä moxtac.

İlneñ gumanitar êşlär häm yarlılıqnı kimetü ministrı Betta Êdu beldergänçä, Borno, Yobe häm Adamawa töbäklärendä terrorçı oyışmalar Boko Xaram häm ISWAPnıñ höcümnäre arttı. Ul xökümätneñ krizisqa qarşı köräş öçen ciñ sızğanuın assızıqlıy.

“BMO Benuênıñ Nigeriyada gumanitar ixtiyaclarnıñ başqalasına äwerelüen häm şul säbäple gumanitar küzlektän êşlänergä tiyeşle bik küp êş barlığın söyläde,”-dide ministr.

Êdu äytüençä, ministrlıq sośial’ terkäwlärneñ tögällegen häm açıqlığın küp yaqlap tikşerüneñ innovaśion ısulların tapqan.  

Nigeriyada 2000nçe yıllarnıñ başında üzen kürsätä başlağan Boko Xaram 2009nçı yıldan massaküläm köç qullanu çaraları uzdıra, anda distälärçä meñ keşeneñ ğomere özelä.

Oyışma 2015nçe yıldan başlap Nigeriyäneñ çik buyı kürşeläre Kamerun, Çad häm Nigerda da höcümnär oyıştıra.