Süriyädä ğaräp aşirätläre "PKK/YPG" belän suğışa

Süriyäneñ könçığışındağı Däyrizor töbägendä separatist terrorçı oyışma "PKK/YPG" basıp alğan territoriyädä ğaräp aşirätläre baş kütärde. Terrorçılar belän ike arada başlanğan bäreleşlär Rakka häm Xasäkä töbäge awıllarına da taraldı.

Türkiyä (Төркия) qorallı köçläre ütkärgän “Solıx çişmäse” xäräkäte töbägendä ğaräp berläşmäläre terrorçılarğa qarşı irtänge säğat’lärdä ük operaśiyä başladı. Däyrizordağı aşirätlärgä teläktäşlek kürsätergä teläwçe älege qabilälär Rakkanıñ tön’yağındağı Xälil Yasin, Xırbät Bäyda belän Xasäkä töbägeneñ tön’yağındağı Turgi häm Tel Tavil awılların terrorçılardan çistarttı. Bu bäreleş cirleklärenä ğaräp aşirätläre östämä konvoylar cibärä.

Bäreleşlärneñ üzägendäge Däyrizor töbägeneñ könçığış häm kön’yaq- könçığışındağı mäydannarda 27nçe avgusttan birle 24 awılda terrorçılarnıñ basıp aluı beterelde. Terrorçı oyışma kiçäge höcümdä ike awılnı kire alğan ide.

Ğaräp aşirätläre kiçä kiçke säğat’lärdä Münbiçtä dä 4 awılnı "PKK/YPG"dän çistarttı.

Terrorçılarnıñ Amerika Quşma Ştatları armiyäseneñ yärdäme belän “DEAŞ"qa qarşı köräş” iseme astında qullarına töşergän Däyrizorda xalıq tulısınça ğaräplärdän tora. Oyışma balalıq yäşendäge ğaräplärne mäcbüri räweştä (рәвeштә) üz rätlärenä ala häm qoral tottıra.

"PKK/YPG" terrorçıları cirlektäge neft’ qoyıların üz kontrolenä alıp, annan çığarğan qara altınnı, sankśiyälärgä qaramastan, Dimäşq idaräsenä kontrabandistlar yärdäme belän satıp, kerem ala.