Nigeriyadä 14 yılda 23 meñnän artıq keşe yuğaldı
“Boko Haram” oyıştırğan qırıslıq oçraqlarında un meñnärçä keşe yaqtı dön’yadan kitte
2030218
Nigeriyaneñ tön’yaq-könçığışında 14 yıl buyı däwam itüçe terror waqıyğaları arqasında 23 meñnän artıq keşe yuğaldı.
Xalıqara Yarlıqaw oyışması häm “Allamin” waqıfınıñ Nigeriya mödire Ğaysä Sanusi “Boko Haram” terror oyışmasınıñ ilneñ tön’yaq-könçığış töbägendä artqan höcümnäre arqasında meñnärçä keşeneñ yuğaluın belderde.
Töbäktä 14 yılda küzätelgän terror höcümnäre arqasında 23 meñnän artıq yuğalu oçrağınıñ kürelüen citkergän Sanusi xökümätneñ bu waqıyğalarğa tawış çığarmawın açıqladı.
Nigeriyadä 2000nçe yıllar başında çıqqan “Boko Haram” 2009dan bügengä qadär oyıştırğan qırıslıq oçraqlarında un meñnärçä keşe yaqtı dön’yadan kitte.
Oyışma 2015 yıldan birle çik buyı kürşeläre Kamerun, Çad häm Nigerda da höcümnär oyıştıra.
