Mişel’: “Awrupa Berlege Ukrainağa finans häm xärbi yärdämen däwam (дәвам) itäçäk”

Mişel’ Ukraina başqalası Kievta oyıştırılğan Qırım platforması sammitında video yullama belän qatnaştı.

Şarl’ Mişel’, Ukrainanıñ awıl xucalığı êşlänmäläreneñ global’ bazarlarğa täq’dim itelüenä yärdäm itü öçen Awrupa Berlegeneñ mömkinleklären qullanuların belderep, Ukraina xalqına şuşı yullamanı citkerde:

"Uzğan yıl Ukraina Awrupa Berlegenä namzät statusın aldı. Şuña kürä Awrupa Berlege kiläçägegez monnan arı “bulamı, yuqmı” räweşendä tügel, qayçan bulaçağı räweşendä. Ağımdağı yılnın azağında Awrupa Berlege Şurası berlekkä quşılu söyläşüläreneñ başlatıluı ixtimalın bäxäsläşäçäk. Ukraina xalqınıñ häm liderlarınıñ şuşı tarixi forsattan faydalanırlar, dip ışanam. Minem şäxsi yaqlawıma ışana alasız. Awrupa Berlegenä ışana alasız. Küpme waqıt alsa da, bez sezneñ belän bergä bulaçaqbız".

Awrupa Berlegeneñ Ukrainanıñ cir bötenlegen häm suverenlığın yaqlawın qabatlap, berlekkä quşılu söyläşüläreneñ başlatıluınıñ yıl axırında qarap çığılaçağın belderüçe Mişel’ Rusiyäneñ Ukrainanı yawlap alu öçen Qırımnı "strategik sikerü taqtası (tramplin)” bularaq qullanuına, 9 yıl buyı Qırımda yasağan “terrorçılıqnı häm zolımnı” xäzerge waqıtta böten Ukraina külämendäge şähärlärdä häm awıllarda başqaruına basım yasadı.

Mişel’, "Awrupa Berlege Qırım häm Sivastopol’ belän dä bergä Ukraina cirläreneñ statusın üzgärtügä yünältelgän teläsä qaysı ber qanunsız kereşüne tanımayaçaqtır", - diyıp, bu ilneñ suverenlığı belän cir bötenlegenä birelgän ähämiyätne iskärtep uzdı.

Awrupa Berlegeneñ Ukrainağa finans häm xärbi yärdämen däwam itteräçägen citkerüçe Mişel’: "Sezneñ azatlıq köräşegezdä bez sezneñ belän bergä häm ilegezne yañadan tözekländerep tözegän çaqta da sezneñ belän bergä bulaçaqbız. Ukrainağa yärdämebez 76 milliard yevrodan kübräk. Yaqınça 50 milliard yevro miqdarında küp’yıllıq finanslaw planın äzerlibez”, - dip belderde.