Yärdämgä moxtaclar sanı arta

Bar dönyada yärdämgä moxtac keşelär sanı 2022 yılda 324 million 300 meñ bulğanda bu yılnıñ avgustında bu san 363 million 300 meñgä kübäyde.

Ğıyraq başqalası Bagdatta 2003 yılnıñ 19 avgustında 22 yärdäm kürsätü xezmätkäreneñ bombalı höcümdä yaqtı dönyadan kitüe näticäsendä BMO Ğomum şurasında qabul itelgän qarar belän 19 avgust “Bötendönya gumanitar yärdäm köne” itep iğlan itelde.

Üzäge Angliyadä urnaşqan “Development Initiatives” oyışması tarafınnan äzerlängän häm 20 iyun’ könne açıqlanğan “2023 Global’ gumanitar yärdäm” isemle xisapta 2022 yılda gumanitar krizisnıñ bar dönyada tiränäyüe citkerelde.

Xisapka kürä gumanitar yärdämgä moxtac keşelärneñ dürttän öç öleşe bäreleş, klimat krizisı yäisä soŝioiqtisadi zäğıyf’lek faktorlarınıñ kim digändä ikesennän täêsirlänä.

Gumanitar yärdämgä ixtıyac artunıñ töp säbäplärennän ikeseneñ azıq-tölek krizisı häm mäcbüri küçenep kitü buluı belderelä.

60 ildäge yaqınça 265 million 700 meñ keşeneñ soñğı 2 yılda citärsez däräcädä tuqlanmawı bilgelände.

Klimat üzgäreşe isä 236 million 700 meñ keşegä tiskäre yoğıntı yasıy.

Rusiyä-Ukraina suğışı, Paqıstan häm Könçığış Afrikadağı klimat üzgäreşe krizisı häm "Kovid-19" kizüeneñ soŝioiqtisadi (социаль-икътисади) täêsirläre kebek problemalarnıñ gumanitar yärdäm xäräkätläreneñ ähämiyäten arttıruı citkerelde.

BMOnıñ Gumanitar koordinaŝiya (координация) ofisı mäğ'lümatlarına kürä, 2021dä 255 million 100 meñ keşeneñ gumanitar yärdämgä moxtac buluı bilgelände. Bu san 2022 yılda 324 million 300 meñgä, 2023 yılnıñ 8nçe ayında isä 363 million 300 meñgä citte.

Gumanitar yärdämgä iñ küp ixtıyac toyılğan 10 il - Äfğanstan, Êfiopiya (Эфиопия), Kongo Demokratik Cömhüriyäte, Sudan, Yämän, Paqıstan, M'yanma, Ukraina, Süriyä häm Kön’yaq Sudan.