İñ êsse iyül'

Ğalimnär iyül’ ayında global’ êsselek rekordı quyıluın belderde.

Amerika Quşma Ştatları aviaśiya häm ğaläm agentlığı NASAnıñ N’yu-Yorktağı Goddard ğaläm tikşerenüläre institutınnan belderülärençä, uzğan ay temperatura barlıq terkäwlärdäge iyül’ aylarınnan 0,24 gradusqa häm 1951dän 1980nçe yılğa qadärge iyül’ aylarınıñ urtaça cılılığınnan 1,18 gradusqa yuğarıraq bulğan.

“NASA mäğ’lümatları dön’ya külämendä milliardlağan keşe tulı mäğ’näsendä xis itkän närsäne raslıy. 2023nçe yılnıñ iyülendäge temperatura moña qadärge barlıq iyül’lär arasında iñ yuğarısı ide” diyelä belderüdä.  Anda Goddard ğaläm tikşerenüläre institutı mödire Gêvin Şmidtnıñ fikerlärenä dä urın birelä. “Bu iyül’ 1880nçe yıldan birle alıp barıluçı terkäwlärebezdäge iñ êsse ay da ide,”-di ul.