Qıtay häm Hindstan kileşte
Qıtay häm Hindstan Gimalaydağı bäxäsle çik buyı töbäklärendäge kiyırenkeleklärneñ çişeleşe öçen alıp barğan yaña tur söyläşülärdän soñ "tınıçlıqnıñ saqlanuı” mäs’äläsendä kileşülären belderde
Taraflarnıñ ike il ğaskärläre arasında çik buyı kiyırenkelekläreneñ azaytıluı öçen korpus komandirları däräcäsendä ütkärelgän 19nçı söyläşülärdän soñ bastırğan urtaq belderüdä "Ğamäli kontrol’ sızığı”nıñ könbatış sektorındağı başqa problemalarnıñ tiz arada xäl itelüe mäs’äläsendä kileşügä ireşelde”, - dip äytelde.
Belderüdä: "İke taraf ul waqıtqa qadär çik buyı töbäklärendä tınıçlıqnı saqlaw mäs’äläsendä kileşte”, - dip citkerelde.
İke il arasında tartqalaşuğa säbäp bulğan çik buyı töbäklärendä kyırenkelekneñ kimetelüe öçen 19nçı tur söyläşüläre 14nçe-15nçe avgustta Çuşul çik buyı töbägeneñ Hindstan yağında ütkärelgän ide.
2020nçe yıldan birle ütkärelgän 18 tur söyläşü näticäsendä taraflar kiyırenkelekkä yul açqan 3 töbäktän ike yaqlı bularaq ğaskärilärne çigenderü mäs’äläsendä kileşgän ide.
Aprel’däge 18nçe tur söyläşülärendä Depsan platosı häm Demçok töbägennän çigenü mäs’äläsendä isä kileşügä ireşelä alınmağan ide.
Yaña tur söyläşülär waqıtında da şuşı töbäklär öçen älegä kileşügä ireşelmäwe belderelä.
