Nigeriyada "Boko Xaram" höcüme

Nigeriyanıñ tön’yaq-könçığışında terrorçı oyışma "Boko Xaram" oyıştırğan höcümdä 13 keşeneñ ğomere özelgän.

Cirle matbuğattağı xäbärlärgä qarağanda, waqıyğa Borno töbägeneñ Vulari awılında bula. Anda tınıç xalıqtan 13 keşe ülä, bik kübese yaralana.

Nigeriyada 2000nçe yıllarnıñ başında kürenä başlağan "Boko Xaram" 2009nçı yıldan birle massaküläm köç qullanu çaraları oyıştıra. Anda distälärçä meñ keşeneñ ğomere özelä.

Oyışma 2015nçe yıldan birle ilneñ çik buyı kürşeläre Kamerun, Çad häm Nigerda höcümnär yasıy.

Şul uq waqıtta, Nigeriyanıñ Kaduna töbägendä qorallı törkem aqça öçen urlağan keşelär maxsus operaśiyä (операция) yärdämendä qotqarıldı.  

Armiyäneñ cämäğat’çelek belän êlemtälär mödire Musa Yax’ya Kaduna töbäge Çikun rayonınıñ (рaйонының) Yero awılında qorallı keşelärgä qarata operaśiyä (операция) oyıştırıluın belderde. Anda totıq itep alınğan 10 keşe qotqarılğan.  Operaśiyä (операция) barışında 3 qorallı keşe täêsirsez xälgä kiterelgän.

Nigeriyada, cäzası ülemgä xökem itü buluına qaramastan, aqça öçen keşe urlaw oçraqları yış bula.