Zaporoj’yeğa yaña höcüm oyıştırılğan
Yaña höcümdä 1 keşeneñ yaqtı dön’yadan kitüe belderelde
Ukraina däwlät başlığı Vladimir Zelenskiy Rusiyäneñ Zaporoj’ye şähärenä yaña höcümendä 1 keşeneñ yaqtı dön’yadan kitüen belderde.
Zelenskiy Telegramda Zaporoj’yenıñ här kön Rusiyä höcümnärenä duçar qaluın yazdı.
Rusiyäneñ kiçä dä Zaporoj’yeğa höcüm oyıştıruın citkergän Ukraina ilbaşı bolay dip däwam itte: “Höcüm näticäsendä ber binada yanğın çıqtı. 1 keşeneñ ğomere özelde. Yaralanuçılar da bar. Bäyläneşle xezmät personalı waqıyğa urınında kiräkle êşçänleklär başqara häm keşelärne qotqara. Yawlawçılarnı yuqqa çığaruçı härber ğaskäriyebez dä Ukraina öçen ğadellek urnaştıra. Ukraina betmäyäçäk. Rusiyä terrorçılığı yuğaltu kiçeräçäk.”
Ukrainanıñ êçke êşlär ministrı İgor’ Klimenko da höcümdä ber xatın-qıznıñ ülüen, 9 keşeneñ yaralanuın belderde.
Ukraina xökümäte sişämbe könne Rusiyäneñ Zaporoj’ye şähärenä höcüm oyıştıruın häm höcümdä 3 keşeneñ yaqtı dön’yadan kitüen, 9 keşeneñ dä yaralanuın citkergän ide.
