Bangladeşta 700 meñ keşe awır xäldä qaldı

Bangladeşnıñ kön’yaq-könçığışında küzätelgän musson yañğırları kiterep çığarğan su basu häm cir şuışuları arqasında 700 meñ keşe awır xäldä qaldı.

Räsmi zatlar êvakuaŝiya kötüçe bu keşelärneñ sıyınu urını, çista su häm azıq-tölekkä ixtıyaclarınıñ iñ yuğarı däräcädä buluın belderde.

Biş kön buyı ut bulmağan häm cir şuışuı arqasında yullar yabılğan Bandarban musson yañğırlarınnan iñ küp täêsirlängän töbäk buldı.

Çattogram, Bandarban, Rangamati häm Koks Bazar töbäklärendä awır xäldä qalğan 70 meñ keşe qotqarılıp, imin urınnarğa urnaştırıldı.

Räsmi zatlar kim digändä 200 Arakanlı möselmannıñ cir şuışuı riskı bulğan töbäklärdän sıyınu urınnarına küçerelüen açıqladı.

Bangladeşnıñ Meteorologiya oyışması tarafınnan yasalğan açıqlawda köçle yawım-töşemnärneñ 15 avgustka qadär däwam itäçäge, asqorımanıñ citärsez buluı arqasında su taşqınnarınıñ bula alaçağı citkerelde.

Bangladeşta sişämbe könne 4ese Arakanlı möselman bulğan barlığı 7 keşe afätlärdä yaqtı dön’yadan kitkän ide.