Blinken - Kuleba söyläşüe uzdı
Söyläşüdä Ukraina temalı cıyılış häm ozın möddätle qurqınıçsızlıq qağıydäläre qaraldı
Amerika Quşma Ştatları däwlät särqätibe Êntoni Blinken Ukraina tışqı êşlär ministrı Dmitro Kuleba belän Soğud Ğaräbstanındağı Ukraina temalı cıyılış häm ozın möddätle qurqınıçsızlıq qağıydälären qaradı.
AQŞ Däwlät departamentı süzçese Mêt’yu Miller mäs’älä belän bäyle yasağan yazmaça açıqlawında Blinkennıñ Kuleba belän telefonnan söyläşü ütkärüen belderde.
Miller citkergänçä Êntoni Blinken häm Dmitro Kuleba Ukrainanıñ Rusiyägä qarşı höcümendäge täraqqıyät’lärne häm Soğud Ğaräbstanınıñ Ciddä şähärendä Ukrainada ğadel häm daimi tınıçlıq xaqında ütkärelgän soñğı söyläşülärne quzğattı, şulay uq ike il arasındağı ozın möddätle qurqınıçsızlıq qağıydälären söyläşte.
Miller äytüençä Blinken AQŞnıñ Rusiyägä qarşı köräşendä Ukrainanıñ saqlanuın xuplawı belän ber rättän köçle Ukraina armiyasenä kürsätkän yärdämne qabat rasladı.
Ciddädä Rusiyä-Ukraina krizisın çişü yulların söyläşü öçen 5-6 avgustta cıyılış uzğan ide.
