AQŞta bıyıl 25 meñnän artıq keşe qorallı qırıslıq waqıyğalarında ğomeren yuğaltqan

 Amerika Quşma Ştatlarında yıl başınnan 25 meñ 190 keşeneñ qorallı qırıslıq waqıyğalarında ğomere özelgän.

İldäge qorallı höcüm oçraqların kön sayın 7 meñnän artıq çığanaqtan tuplağan Qoral zolımı arxivı mäğ’lümatlarına qarağanda, bıyıl AQŞta 11 meñ 132 qorallı köç qullanu oçrağı bulğan.

Soñğı 7 ayda cinayät’ häm qorallı höcüm räweşendä ilneñ törle poçmaqlarında bulğan qırıslıq waqıyğalarında 25 meñ 190 keşe ğomeren yuğaltqan, 22 meñ 162 keşe cäräxätlängän.

Qorbannar arasında 0 -11 yäş’täge 170 häm 12-17 yäş’täge 878 bala bar.

İke yäş’ törkemendä dä törle cäräxätlär alğan balalar sanı 2 meñ 617 dip terkälgän.

Poliśiya qatışqan waqıyğalarda 859, şul isäptän 34 poliśiya xezmätkäre ülgän, 706 keşe yaralanğan, şularnıñ 218e -poliśiya xezmätkärläre.

İldä 2022 nçe yılda qorallı köç qullanu näticäsendä 44 meñ 362 keşeneñ ğomere özelgän, 38 meñ 592 keşe yaralanğan.

Uzğan yıl 0 -17 yäş’täge 1 meñ 683 bala qorallı zolım qorbanı bulğan, 4 meñ 487 bala cäräxätlängän.

Qoral zolımı arxivınıñ soñğı 9 yıllıq mäğ’lümatlarına qarağanda, Çikago şähäre 24 meñnän artıq qorallı höcüm waqıyğası belän ildä berençe urında.