Qıtayda 1 million 200 meñ keşe êvakuaŝiyalängän (эвакуацияләнгән)

Qıtaynıñ tön’yağındağı Xibi provinŝiyasendä Doksuri tayfunı kiterep çığarğan su basular arqasında 1 million 200 meñ keşe êvakuaŝiyalängän (эвакуацияләнгән).

Milli matbuğattağı xäbärlärgä kürä başqala Pekin belän T’yençin şähären äyländerep alğan Xibi provinŝiyasendä (прoвинциясeндә) su basunı kontrol’dä totu öçen 8 basseyn belän 155 susaqlağıç barlıqqa kiterelde.

Älege töbäklärdä yäşäwçe 850 meñ keşe belän provinŝiyadäge (прoвинциядәгe) 1 million 200 meñ watandaş imin urınnarğa urnaştırıldı.

Xibineñ Ğadättän tış xällär departamentı Pekin häm T’yençin östendäge basımnı azaytu öçen 1,8 milliard kub metr sunıñ provinŝiyadäge (прoвинциядәгe) su cıyu urınnarına cibärelüen açıqladı.

Belgeçlär yawım-töşemneñ azayuına qaramastan taşqın suın cıyu urınnarınıñ ber aydan soñ ğına buşap qalaçağın belderde.

Qıtaynıñ tön’yağında küzätelgän Doksuri tayfunı arqasında başqala Pekin häm tirä-yağında soñğı ber atnada 140 yılnıñ iñ köçle yawım-töşeme buldı.

Afättä Pekinda 11, Xibi provinŝiyasendä (прoвинциядә) 9 keşeneñ ğomere özelgän.