Putin Zimbabve ilbaşına boralaq büläk itkän

Zimbabve mäğ’lümat ministrlığınıñ Twitter akkauntındağı belderügä qarağanda, Rusiya Federaśiyäse däwlät başlığı Vladimir Putin Rusiya - Afrika sammitı waqıtında prezident boralaqlarınıñ bersen Zimbabve ilbaşı Êmmerson Mnangagvağa tapşırğan.

Tizdän Zimbabveğa cibäreläçäk boralaqnı qarağan Mnangagva ike ilneñ dä Könbatış sankśiyälärenä duçar bulğan öçen xezmättäşlek itärgä tiyeşlegen äytkän.

Zimbabve bäysezlek köräşennän birle Rusiya belän tığız bäyläneştä tora.

Afrikadan küp sanda räsmi zatlar qatnaşqan häm kiçä Sankt-Peterburgta başlanğan Rusiya - Afrika sammitı bügen tämamlana.