Urman yanğınnarında ülüçelär sanı 4 kä citkän
Greśiyädä ut belän köräş däwam itä
2016618
Greśiyädä berniçä kön däwam itkän urman yanğınnarında ülüçelär sanı 4 kä citkän.
Greśiya matbuğatındağı xäbärlärgä qarağanda, Magnisiya töbägendä çıqqan yanğında 45 yäş’lek keşe ğomeren yuğaltqan.
Al’miros töbägeneñ Platonos awılı yanındağı utta ber xatın - qıznıñ üz karavanında ğomere özelgän.
Volos şähäre yanında çıqqan yanğın arqasında sänäğat’ zonası häm qayber toraq punktlar êvakuaśiyälängän.
Korfu häm Rodos utrawlarında yanğınnar däwam itä.
Kiçä saqlıq çarası bularaq töbäktäge qayber toraq punktlar êvakuaśiyälängän.
Greśiya başqalası Afinadan 200 çaqrım yıraqlıqta urnaşqan Êvbeya utrawındağı Platanistos töbägendä uzğan könne yanğın sünderü oçqıçı hälakätendä 2 keşe hälaq bulğan ide.
