Rusiyä Odessağa höcüm oyıştırğan
Raketa höcüme näticäsendä 2 keşe yaralandı, 100 tonna borçaq belän 20 tonna arpa yuqqa çıqtı
2014448
Ukrainanıñ Odessa töbägenä Rusiyä armiyaseneñ raketa höcüme näticäsendä 2 keşe yaralandı, 100 tonna borçaq belän 20 tonna arpa yuqqa çıqtı.
Odessa töbägeneñ däwlät idaräse başlığı Oleg Kiper soŝial’ säxifädäge akkauntında Rusiyäneñ irtänge sägät’lärdä Odessa töbägenä raketa höcüme oyıştıruın belderde.
Rus xärbi köymälärennän ırğıtılğan 2 raketanıñ töbäktäge aşlıq angarına tiyüen citkergän Kiper bolay dide: “Qızğanıç, Odessa töbägendäge angarğa ut açıldı. Doşman 100 tonna borçaq häm 20 tonna arpanı yuq itte. Şartlaw näticäsendä 2 keşe yaralandı.”
Oleg Kiper beldergänçä Rusiyä monnan soñ Odessa töbägendäge portlardan soñ igençelek ölkäsen dä maqsat itep ala başladı.
Höcümdä 200 kvadrat metrdan zur mäydanda yanğın çıqqan.