İranda +50dän yuğarı cılılıq

İranda soñğı 1 atnada hawa temperaturası urtaça +30,3 gradus, 6 şähärdä isä termometrlar 50gradustan yuğarıraq kürsätä.

İlneñ yarım räsmi "Täsnim" xäbär agentlığına qarağanda, meteorologiyä oyışmasınıñ hawa torışı farazları üzäge citäkçese Sadıyq Ziyaiyan yuğarı cılılıqlar turında belderülär yasadı. Ul urtaça temperaturada, 30 yıllıq ozın waqıtlı çor belän çağıştırğanda, yartı gradusqa artu küzätelüen citkerä.

Sadıyq Ziyaiyan äytkänçä, termometrlar İlam töbägeneñ Dexloran şähärendä +51,6 gradus, Xuzistan töbägeneñ Ümidiyä qalasında + 51,2 gradus, Axvazda +50,8ne, Agaçari şähärendä +50,3, Ramxürmüzdä +50,2 häm Şuş qalasında  +50 gradus kürsätä.