Bayden Türkiyägä F-16larnı sataçaqlarına ışana
AQŞ ilbaşı Litvadan kitär aldınnan matbuğat ähelläreneñ sorawlarına cawap birde
Amerika Quşma Ştatları ilbaşı Djo Bayden Türkiyägä G-16 xärbi oçqıçları sata alularına ışanuın äytte. Ul Litvadağı NATO sammitınnan soñ Finlyandiyägä kitü öçen oçqıçqa menär aldınnan jurnalistlarnıñ sorawlarına cawap birde.
“Türkiyägä F-16 xärbi oçqıçların satuğa qarşı çıqqan N’yu-Djersi senatorı Bob Menendes fikeren üzgärtäçakme?” digän sorawğa Bayden bolay dip cawap birde: “Türkiyäneñ Şveśiyäne NATOğa alunı yaqlawın däwam itäçägenä häm aña F-16larnı sata alaçağıbızğa ışanam”.
Bayden NATO sammitı qısalarında kiçä Ukraina däwlät başlığı Volodimir Zelenskiy belän uzdırğan ikeyaqlı söyläşüneñ dä bik yaxşı uzuın belderde. Ul älege ilneñ ittifaq’qa kerüe mäs’äläsenä dä qağıldı.
“Suğış betkänçe tügel. Zelenskiy şunı bik yaxşı añlıy: berlektäşlär tarafınnan qabul itelgän yökemleleklärgä iyä bulğanda xäzerge waqıtta NATOda buluı yäisä bulmawı ähämiyätle tügel,”-dide AQŞ ilbaşı.
