Bryussel’dä yortsızlar sanı arta
Alarnıñ sanı 7 meñ 134 kä citkän
Bel’giya başqalası Bryussel’dä yortsızlar sanı 7 meñ 134 kä citkän.
Bryussel’dä öysez keşelär belän bäyle êşçänleklär alıp baruçı “Bruss'help” oyışması mäğ’lümatlarına qarağanda, yortsızlar sanı soñğı cainisäp yasalğan 2020 nçe yıl belän çağıştırğanda 18,9%qa artqan.
2022 nçe yılda yortsız häm toraq şartları naçar bulğan 7 meñ 134 keşe açqlanğan.
Bu sanğa “waqıtlıça başqa keşelärdä qaluçılar“ häm “quıp çığaru qurqınıçı bulğan keşelär” kebek yaña kategoriyälärgä qarağan mäğ’lümatlar da östälgän.
Uramda yäşäwçelär sanı isä 6 meñ 317 dip terkälgän.
Bu keşelärneñ 53,8%ı kim digändä ber yıl yortsız.
Uramda yäşäwçelärneñ 78%ın buydaqlar, 13%ın balalı keşelär häm 42,7%ın bel’giyälelär täşkil itä.
”Çınbarlıqtağı xäl älege sannardan küpkä qurqınıçraq. Läkin bezgä wäzğıyät’ne añlarğa yärdäm itä” diyelä oyışma belderüendä.
Bel’giyädä ber - ber artlı ütkärelgän isäpkä alular soñğı 14 yılda yortsız keşelär sanınıñ artuın kürsätä.