Xatın-qızlar törmäsendä qurqınıç bäreleş

Gondurasta xatın-qızlar törmäsendä çıqqan ğawğada ğomere özelgän mäxkümnärneñ sanı 46ğa citte. Başqala Tegusigal’pağa bäyle Tamara bistäsendä urnaşqan ob’yektta kiçä fetnä häm bäreleş başlandı. Anda tağın 5 xatın-qıznıñ ülüen belderdelär.

“Mara Sal’vatruça” häm “Barrio 18” bandaları arasında çıqqan ğawğada 26 xatın-qız yandırılıp, 20se isä utlı qoral yäisä pıçaq belän üterelde. Mäxkümnärne kameralarında bikläp ut törtälär.

Waqıyğada yaralanğan 7 xatın-qıznıñ xastaxanädä däwalanuı däwam itä.

Gonduras däwlät başlığı Ksiomara Kastro waqıyğalarnı “çiktän tış qurqınıç” dip bäyäläde. Ul fetnäneñ uram bandaları tarafınnan “iminlek saqçılarınıñ belüe häm rizalığı” belän planlaştırıluın söyläde.

İlbaşı Kastro iminlek ministrı Ramon Sabillonnı wazıyfasınnan aldı häm urınına poliśiyä başlığı Gustavo Sançesnı bilgeläde.

Şul uq waqıtta, iminlek ministrlığı süzçese Migel’ Martines höcümneñ planlaştırılğan buluın citkerde. Banda äğ’zalarınıñ saqçılarnı täêsirsez xälgä kiterep açqıçların alğan mizgelgä qadär qurqınıçsızlıq kameraları yazdırıp barğan, soñınnan cimerelgän.