Gazetlarda yasalma zihen êşli başlıy
Germaniyäneñ "Bild" gazetı 200 xezmätkären şul säbäple êştän çığarırğa uylıy
Germaniyädä “Bild” gazetında yasalma zihen qullanıla başlanaçağı häm şul säbäple 200 keşeneñ êştän çığarıla aluı alğa sörelä. Bu xaqta ilneñ mediasında xäbärlär çıqtı. Anda äytelgänçä, atna başında “Bild” gazetında êşläwçelärgä yasalma zihen birüçe mömkinleklär arqasında redakśiyädä êştän çığarular bulaçağı citkerelgän.
“Bild” gazetınıñ regional’ basmaları 18dän 12gä töşereläçäk. Tağın da keçkenä cirle basmalar tulısınça yabılaçaq häm idarä däräcäse kimeteläçäk.
“Axel Springer” media korporaśiyäseneñ yuğarı idaräçese Matias Döpfner 4 ay êlek xezmätkärlärgä cibärgän êlektron xatta 2024nçe yılnıñ 1nçe ğıynvarınnan oyışma strategiyäseneñ “barı internet” yäisä “başta internet, annarı basma” bulaçağın citkergän. Ul yasalma zihen häm sanlı dön’yadağı prośesslar belän almaştırılaçaq wazıyfaları bulğan yäisä xäzerge sälätläre belän bu yaña tärtiptä üz urının taba almağan xezmättäşläre belän ayırılırğa mäcbür bulaçaqların da belderä.
