AQŞ laboratoriyädä yasalğan itne satırğa röxsät birde
Anı laboratoriyädä xaywan küzänäklärennän üsterep yasap çığaralar
Amerika Quşma Ştatlarınıñ awıl xucalığı häm azıq-tölek ministrlığı laboratoriyädä xaywan küzänäklärennän citeşterelgän tawıq iten satırğa röxsät birde. “Upside Foods” häm “Good Meat” şirkätläre kiräkle näticägä ireşülären xäbär itte.
“Good Meat”tan yasalğan belderüdä älege röxsätneñ turıdan-turı xaywan küzänäklärennän citeşterelgän tawıq iteneñ xäzer Amerikalı qullanuçılarğa satıla aluın añlatuı citkerelde. Monnan alda AQŞ azıq-tölek häm daru idaräse älege itlärne aşawnıñ qurqınıçsız buluın qabul itkän ide.
“Good Meat” 2020nçe häm 2021nçe yılda Singapurda laboratoriyädä citeşterelgän tawıq ite öçen bik küp sanda köyläwçe organnıñ röxsäten alğan. Belderüdä äytelgänçä, şirkät yasap çığarğan tawıq iten aşçı häm restorator Xose Andres AQŞ başqalası Vaşingtondağı ber restoranda satuğa çığaraçaq.
“Upside Foods” şirkäte isä üzläre citeştergän itneñ Mişlen yoldızına iyä şef-aşçı Dominik Krennıñ San-Franśiskodağı Krenn barında täq’dim itäçägen belderde.
Şulay itep, AQŞ, Singapurdan soñ, küzänäktän citeşterelgän itne satuğa röxsät birgän ikençe däwlät buldı.
