Xatın - qızlar törmäsendä ğıys’yan häm bäreleş
Waqıyğa Gondurasta bulğan
Urta Amerika ile Gondurasta xatın-qızlar törmäsendä ğawğa çıqqan häm berençe mäğ’lümatlarğa qarağanda 41 xatın - qız totqınnıñ ğomere özelgän.
İlneñ “La Prensa” gazetı yazğança, başqala Tegusigal’panıñ Tamara qasabasındağı xatın - qızlar törmäsendä ğıys’yan häm bäreleşlär bulğan.
Waqıyğalar waqıtında 25 xatın - qız yandırılğan, 16 sı atıp üterelgän.
Mara Sal’vatruça häm Barrio 18 bandaları arasında ğawğa çığu säbäple törmä tiräsenä küp sanda qurqınıçsızlıq köçläre cibärelgän.
Gonduras qurqınçsızlıq ministrı urınbasarı Djulissa Villanuyeva üzeneñ Twitter akkauntındağı belderüendä törmädä “ğadättän tış xäl” iğ’lan itelüen citkergän.
”Tamara xatın-qızlar törmäsendä iñ qatı çaralar kürergä quştım. Bez bu törmädä tärtipsezlekkä yul quymayaçaqbız. Yanğın sünderü bülege, poliśiya häm xärbilär qatnaşında bik tiz tärtip urnaştırıla “dip belderä ministr urınbasarı.
Tegusigal’padan 300 çaqrım yıraqlıqta urnaşqan IIama törmäsendä dä qorallı bäreleşlär buluı äytelä.
