Paqıstan belän Qıtay arasında ênergoblok kileşüe
Paqıstan häm Qıtay “Çaşma” atom êlektr stanśiyäsenä qıymmäte 4,8 milliard dollar bulğan 1200 megawatlıq yaña ênergobloknıñ tözelüe öçen kileşü imzaladı
“Geo News” televideniyäse xäbär itüençä, başqala İslamabadta “Çaşma” atom êlektrostanśiyäsenä 5nçe atom-töş reaktorınıñ salınuı öçen imza tantanası oyıştırıldı.
Qıtaynıñ CNNC Milli atom-töş şirkäte başlığı Wang Yongge häm Paqıstan atom ênergiyası komissiyası başlığı Möxämmäd Said “Çaşma” atom êlektrostanśiyäsenä qıymmäte 4,8 milliard dollar bulğan 1200 megawatlıq yaña ênergobloknıñ tözelüe turındağı kileşügä qul quydı.
Tantanada qatnaşqan Baş ministr Şaxbaz Şärif bu kileşüne ike ilneñ iq’tisadi xezmättäşlegendä kiläçäkkä yünälgän möhim adım bularaq bäyäläde.
Şärif 2023nçe yılnıñ fevral’ ayında Qıtaynıñ bulışlığı belän K-3 atom êlektrostanśiyasınıñ 3nçe blokınıñ faydalanuğa tapşırıluın xäterlätep, bügen isä “Çaşma-5” öçen kileşü imzalanuına basım yasadı.
Finans yärdäme öçen Pekinğa räxmät äytüçe Şärif Qıtay İlbaşı Si Cinpiñgä bik räxmätle buluların citkerde.
Bäyläneşle xäbärlär
AQŞtan Ukrainağa xärbi yärdäm kötelä
6 milliard dollarlık yaña östämä xärbi yärdäm paketı täêmin iteläçäk
