Dön'yadağı iñ zur aviayörtüçe korab NATOda

Amerika Quşma Ştatlarınıñ “Gerald R. Ford” aviayörtüçe korabı, Norvegiyä diñgezendäge planlı êşçänlekläre qısalarında, waqıtlıça NATO komandalığına alındı.

İttifaqtan yasalğan belderügä qarağanda, dön’yadağı iñ zur aviayörtüçe bularaq bilgele älege korab üzen ozatıp baruçı köymälär belän bergä 2nçe iyün’nän birle NATO komandalığı astında diñgez iminlege çaraları häm öyrätülärdä qatnaşa.

AQŞnıñ xärbi sudnosı planlaştırılğan êşçänleklär öçen Awrupa sulıqlarına kilgän. Ul F-18 xärbi oçqıçları, irtä kisätü oçqıçları, yök oçqıçları häm boralaqlar yörtä. Anıñ NATO komandalığı qul astına kerüeneñ transatlantik berlekneñ däwamınıñ ähämiyätle kürsätlkeçe buluı belderelde.

Monıñ, şulay uq, NATO berlektäşläre arasındağı almaşu mömkinlekläre häm komandalıq kontrole sistemasınıñ sığıluçanlığın kürsätüe citkerelde.

Aviayörtüçeneñ bu atna buyı ittifaq komandalığında wazıyfa başqaraçağı äytelde.