NATO tışqı êşlär ministrları oçraştı

NATO däwlätläreneñ tışqı êşlär ministrları Norvegiyä başqalası Osloda räsmi bulmağan cıyılışta Vilnyus sammitına äzerleklär turında söyläşä.

İke könlek utırışnıñ berençe könendä alar Norvegiyä patşası Xaral’d Bişençeneñ sarayında uzğan tantanada küreşte. Şunnan soñ ilneñ tışqı êşlär ministrı Anne Beate Tvinnereymnıñ Akersxus qal’gäsendä äzerlängän kiçke aş mäclesendä bergä buldılar.

Tışqı êşlär ministrlarınıñ ğayreräsmi cıyılışınıñ bügenge utırışı NATO ğomum särqatibe Yens Stoltenbergnıñ çığışı belän başlana.

Cıyılışnıñ kön üzägendä – 11nçe-12nçe iyül’dä Litva başqalası Vil’nyusta uzaçaq NATO sammitına äzerleklär. Ähämiyätle mäs’älälärdän berse – NATOnıñ Ukraina belän xezmättäşlegen üsterü bulaçaq. Bigräk tä, Ukrainanıñ saqlanu tırışlıqları häm solıx öçen tözelgän planğa niçek yärdäm itü qaralaçaq.

Cıyılışta Türkiyädän NATOdağı daimi wäkil, ilçe Levent Gümrükçü qatnaşa.

Räsmi könüzäk temalar arasında bulmasa da, utırışta Kosovodağı kiyerenkelek xaqında da söyläşü kötelä.