Ukrainalılarnı F-16nı qullanırğa öyrätälär
F-16 xärbi oçqıçlarına öyrätü berniçä däwlättä alıp barıla
Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrell ukrainalı pilotlarnı F-16 xärbi oçqıçların qullanırğa öyrätüneñ başlanuın citkerde. Ul Awrupa Berlege illäreneñ saqlanu ministrları cıyılışına kergändä matbuğat ähellärenä belderülär yasadı.
“Nihayät’ ukrainalı oçuçılarğa F-16 öyrätüläre başlanuı öçen şatmın,”-dide Borrell häm monıñ şaqtıy waqıt alaçağın, niqadär tiz tögällänsä, şulqadär yaxşı bulaçağın söyläde. Ul öyrätülärneñ berniçä däwlättä alıp barıluın, şulardan berseneñ Pol’şa ikänen äytte.
Borrelldän Ukrainağa qoral häm suğış kiräk-yaraqları tapşırunı tizlätü öçen bergä satıp alu prośessınıñ qaysı êtapta buluın soradılar. Ul älege êşçänlekneñ alğa baruın citkerde.
Yaponiyädä uzğan atnada uzdırılğan G7 cıyılışında Ukrainağa F-16 oçqıçların birü öçen yul açılğan ide.
