BMO Somali öçen yärdämgä çaqırdı
Oyışma ildäge su basudan zıyan kürgän keşelärgä aşığıç yärdäm soradı
1988673
Berläşkän Millätlär Oyışması xalıqara cämäğat’çelektän Somalidağı su basudan zıyan kürgän keşelärgä aşığıç yärdäm soradı.
BMOnıñ Azıq-tölek häm awıl xucalığı oyışmasınnan yasalğan belderüdä Şabel yılğasında soñğı 30 yıldağı iñ köçle su basu buluı, Beledveyn şähäreneñ 79%ınıñ su astına qalğanı äytelä.
Belderüdä şulay uq 200 meñnän artıq keşeneñ başqa urınnarğa küçep kitüe, alarnıñ aşığıç räweştä azıq-tölek häm suğa moxtac buluı, keşelärneñ azıq-tölek zapaslarınıñ betüe häm su belän bäyle awırular artuı citkerelä.
Xäzergä çaqlı su basudan 22 keşeneñ ğomere özelgän, 460 meñ keşe zıyan kürgän.
Su basu bulğan töbäktä xolera häm bizgäk awırularınıñ artu mömkinlege borçu tudıra.
