Awrupa Şurası sammitında "Zıyannı terkäw” mexanizmı buldırıldı
Awrupa Şurasınıñ dürtençe sammitında, Rusiyäneñ Ukrainadağı suğış cinayät’lärennän cawaplılıqqa tartıluınıñ zarurlığına basım yasalıp, monıñ berençe adımı bulaçaq mexanizmnıñ buldırıluı qararı qabul itelde
İslandiya başqalası Reyk’yavikta ütkärelgän Awrupa Şurasınıñ dürtençe sammitınıñ axırında äğ’za 46 ilneñ wäkile belän ber rättän Kanada, Yaponiya, Amerika Quşma Ştatları häm Awrupa Berlege urtaq beldergegä qul quydı.
Beldergegä kürä, Rusiyäneñ Ukrainağa kitergän zıyan öçen kompensaśiya tüläwneñ täêmin itelüeneñ berençe adımı bulaçaq "Zıyannı terkäw” mexanizmı buldırıldı.
Mexanizm suğış başlanğan 2022nçe yılnıñ 24nçe fevralennän birle höcümnärdän zarar kürgän böten fizik häm yuridik zatlar belän Ukraina däwläte öçen barlıqqa kilgän zıyanğa häm yuğaltularğa qağılışlı dälillärne häm raslawlarnı terkäp baraçaq.
Liderlar mexanizmnıñ soraw-taläp komissiyasın häm kompensaśiya fondın da üz êçenä alaçaq itep kiñäytelüe östendä êşläw mäs’äläsendä kileşte.
Höcüm cinayät’läre öçen maxsus mäxkämä tözelüenä qağılışlı alğarışnı qanäğät bulıp qarşılawçı liderlar Rusiyäne balalar belän bergä köçläp küçerelgän tınıç xalıqnı xäzer ük irekkä cibärergä çaqırdı.
Liderlar Rusiyä köçläre tarafınnan qanunsız räweştä deportaśiyälängän balalarnıñ kire qaytarıluın täêmin itü öçen Ukraina organnarına yaqlaw citkerelgän ayırım beldergene dä qabul itte.
