Popokatepetl’ yanartawında soñğı täwlektä 3 şartlaw bulğan
Ul Meksikada urnaşqan
1985897
Meksikadağı Popokatepetl’ yanartawında soñğı täwlektä 3 şartlaw bulğan, 127 gaz häm köl çığaru terkälgän.
Bu xaqta Meksika milli bäla - qazalarnı profilaktikalaw üzäge xäbär itä.
Soñğı könnärdä vulkandağı şartlawlar köçäygän. Yanartaw atıp çığarğan köllär toraq punktlarğa xätle kilep citkän.
Vulkanğa yaqın urnaşqan Atliksko şähärendä yäşäwçelär köçle şartlawlar näticäsendä öyläreneñ täräzäläre watıluın belderä.
Räsmi zatlar yanartawda şartlawlarnıñ däwam itäçägenä basım yasap, kraterdan yıraq torırğa häm sälamätlekkä zıyan kiterä torğan köllärdän saqlanırğa quşa.
Popokatepetl’ yanartawındağı bıyılğı şartlawlar sanı 476ğa citkän.
2022 nçe yılda vulkanda barlığı 113 şartlaw terkälgän bulğan.
