Sinagogağa höcüm yasaldı
Tunista ber iminlek xezmätkäre sinagogağa höcüm itep keşelärne üterde
Tunisnıñ Djerba utrawındağı Garibe sinagogasına qorallı höcüm yasaldı. Anda 3 keşeneñ ğomere özelde, 9ı yaralandı.
Tunis êçke êşlär ministrlığı Djerba utrawında bulğan höcüm turında yazmaça belderü yasadı. Anda höcümçeneñ iminlek xezmätkäre buluı äytelä.
“Şöbhäle höcüm maqsatınnan qoral qulğa töşerü öçen ber xezmättäşen ütergännän soñ Garibe sinagogasına ireşü öçen xäräkät itä. Şul waqıtta iminlek köçläreneñ qarşılığına oçrıy häm çıqqan bäreleştä 3 keşe: ikese ziyärätçe häm berse poliśiyä xezmätkäre hälaq bula” diyelä belderüdä.
Poliśiyä belän qapma-qarşı atışa başlağan höcümçeneñ ülüe äytelä. Yaralanğan 9 keşeneñ 5se iminlek köçlärennän. Alarnı yaqın tirädäge xastaxanälärgä alıp kitälär.
Yähüdlärneñ xac qılu çorı bulu säbäple Garibe sinagogasına meñnärçä keşe kilä.
