İzrail Ğazzägä hawa höcüme oyıştırdı

İzrail armiyäse belän êçke küzläw oyışması Şabaknıñ Ğazzägä yasağan hawa höcümendä, balalar häm xatın-qızlarnı da kertep, 12 keşeneñ ğomere özelde, 20 keşe yaralandı.

“İslam cihadı” xäräkäteneñ qorallı kanatı bulğan Yerusalim brigadaları isä 3 liderlarınıñ xatınnarı häm balaları belän bergä höcüm waqıtında üterelüen citkerde. Xäräkätneñ süzçese Tarık Silmi yazmaça belderüendä basıp aluçı köçlärneñ cinayät’lärenä qarşılıq kürsätüçe köçlärneñ aldında barlıq variantlar häm sśenariylarnıñ açıq buluın söyläde. “Basıp aluçılar kitkängä qadär qarşılıq tuqtamayaçaq. Qarşılıq köçläre fälästinlelärne cirlärennän quarğa teläwçe basıp aluçı köçlär belän suğışu qağıydälärendä üz urının aldı, şähitlär öçen üç alınaçaq” dip yazdı ul.

“Xamas” xäräkäte liderı İsmail Xäniyä üz belderüendä bolay dide: “İzrail ülem planı operaśiyäsendä yalğıştı, monıñ öçen cawap biräçäk. Xain operaśiyä belän liderlarnı üterergä mataşuı basıp aluçınıñ üzenä iminlek täêmin itmäyäçäk, kiresençä, qarşılıqnı tağın da arttıraçaq”.

Waqıyğalardan soñ xökümätneñ matbuğat üzäge belem birü yortlarında ikençe iğ’lanğa qadär däreslärneñ tuqtatılıp toruın belderde.