N'yu-Yorkta avtopark işelgän

N’yu-Yorknıñ Manxêtten bistäsendä işelgän yabulı avtoparkta 1 keşe ülde, şaqtıy keşe yaralandı.

N’yu-Yorknıñ Yanğın sünderü departamentınnan yasalğan açıqlawğa kürä Manxêttennıñ kön’yağında ber yabulı avtoparknıñ ber öleşe cimerelgän.

Berençe mäğlümatlarğa kürä 1 keşe ülgän, şaqtıy keşe yaralanğan.

Yanğın sünderü räsmi zatları binada 6 êşçeneñ buluın, alardan 4eseneñ xastaxanägä salınuın, berseneñ isä mediŝina yärdämen kire qağuın citkerde.

Soŝial’ mediada urtaqlaşılğan yazmalarğa kürä işelü waqıtında bina cimerekläre öskä taba kütärelä häm keşelär qıçqıra.

Yaqında urnaşqan Pace Universitetı waqıyğa arqasında däreslärne tuqtatqan, studentlarnıñ töbäktän kitüe zarurlığın citkerde.