Yaponiya prem’yer-ministrı Afrikağa barırğa cıyına
Säfär 29 nçı aprel’ – 5 nçe may könnärenä planlaştırılğan
May ayında Yaponiyädä G-7 liderları sammitı uzaçaq. Älege sammit aldınnan Yaponiya prem’yer-ministrı Kişida Fumio Afrikağa barırğa cıyına.
İl xökümäte belderüendä äytelgänçä, säfär 29 nçı aprel’ – 5 nçe may könnärenä planlaştırılğan.
“Kyodo” räsmi agentlığı xäbär itkänçä, prem’yer-ministr Kişida älegä könnärdä Misır, Gana, Keniya häm Mozambikka barırğa uylıy.
Ministrlar kabinetınıñ baş särqatibe Maśuno Xirokazu säfär qısalarında G-7 neñ çirattağı räise Yaponiyäneñ Afrika illäre belän global’ problemalarğa qarşı xezmättäşlekkä basım yasayaçağın belderde.
Ber atna çaması däwam itäçäk Afrika turı 2021 nçe yılda wazıyfasına kereşkän Kişidanıñ prem’yer-ministr bularaq qıytğağa berençe säfäre bulaçaq.
G-7 liderları sammitı may ayında Yaponiyäneñ Xirosima şähärendä uzaçaq.