Yasalma aqıl diktorları zäñgär êkranda

Kuveytta tanıtılğan “Fidda” isemle xäbärçe ingliz telendä tapşırıluçı “Kuwait Times” gazetınıñ internet säxifäse “Kuwait News”a berençe tapqır 13 sekundlık reklamada üzen tanıttı.

Ğaräp telendä: “İsemem - Fidda. “Kuwait Times” media oyışmasınıñ yasalma aqıl belän êşläwçe berençe diktorı bulam,” – digän diktor bolay dip däwam itte: “Fiddanıñ sezgä nindiräk xäbärlär citkerüen telisez?”

Misırda isä “Kahire 24” xäbär säxifäse 22 fevral’ könne berençe yasalma aqıl üzençälekle xäbär byulletenen açıqladı.

Yasalma aqıl diktorı Ani üzen tübändägeçä tanıttı - “Yaqın Könçığışta medianıñ üsüe häm alğarışı proyektı qısalarında yasalma aqıl üzençälekle berençe diktor”.

Kahire 24 räsmi zatları texnologiyadäge täraqqıyät’lärne tapşırularında çağıldırırğa däwam itteräçäklären häm xäbär êçtälekläreneñ köne buyı yasalma aqıl yärdämendä citkerelüe östendä êşläyäçäklären belderde.

Qatar başqalası Doxada 13 martta oyıştırılğan Al Jazeeranıñ berençe Yasalma aqıl konferenŝiyase qısalarında zur êkranğa çıqqan diktor İbtikar isä üzen “Al Jazeera Media İnstitutı wäkile” itep iğlan itkän ide.

İbtikarnıñ Al Jazeeranıñ möhim diktorlarınnan bulğan Rawa Auger belän bergä tanıtuda qatnaşuı häm ireşkän uñışı kanaldağı diktor krizisın çişä alaçağı turındağı süzlärne çığardı.

Qatardağı başqa yasalma aqıl diktorı Nura isä 10 martta Al Jazeeranıñ Hastag programmasında kürende.

Nura programmada Massaçusetstağı Texnologiya İnstitutınnan yasalma aqıl belgeçe, tabib Talib el-Aşkardan interv’yu aldı.