İzrail poliśiyası Äl-Äq’sa mäçetenä qabat höcüm itkän

İzrail poliśiyası Qıybla mäçetendä tärävix namazın uqığan möselmannarğa kauçuk belän qaplanğan pulya häm tawış bombaları belän höcüm itep, êçtägelärne quıp çığardı, Äq’sa işegaldında cıyılğan tentügä rizasızlıq belderüçelärgä dä çuqmarlar belän çara kürde.

“Fälästin Qızılayı” yasağan yazmaça belderüdä İzrail poliśiyasınıñ Äl-Äq’sa mäçetenä tentüe waqıtında yaralanğan 6 keşegä mediśina yärdämen kürsätülären häm ikeseneñ xastaxanägä salınuın citkerde.

İzrail köçläreneñ tönlä Äl’Äq’sa mäçetendä ğıybadät itüçelärgä qarşı köç qullanuı yaw astındağı Könçığış Qodüstä häm töbäktä kiyırenkelekne arttırğan ide.

Fanatik yähüd küçep kilüçelärneñ yähüdlärneñ izge "Pesax bäyräme” arqasında Äl’Äq’sa mäçetenä tentü yasarğa häm biredä qorban çalırğa çaqıruınnan soñ tärävix namazınnan soñ bertörkem fälästinle Äq’sadağı Qıybla mäçetenä sıyınğan ide.

İzrail köçläreneñ Äl-Äq’sa mäçetenä oyıştırğan basqın waqıtında Qıybla mäçetendäge fälästinlelärgä köç qullanıp çara kürgän häm biredägelärne qıynağan mizgellärne kürsätüçe sürätlär reakśiyägä säbäp bulğan ide.

Tentü waqıtında Qıybla mäçetenä sıyınğan 400dän kübräk fälästinle qulğa alınğan ide.

Yaw astındağı Könçığış Qodüstä töne buyı waqıyğalar kilep çıqqan, İzrail poliśiyası fälästinlelärgä qarşı küz yäş’ländergeç gaz, kauçuk belän qaplanğan pulya häm köç qullanıp qatışqan ide.

İzrail poliśiyasınıñ Äl-Äq’sa mäçetenä yasağan tentü häm fälästinlelärgä qarşı qullanğan çamasız köç xalıqara reakśiyağa säbäp bulğan ide.