"Bezne bülä almayaçaqsız"

Ukraina däwlät başlığı Vladimir Zelenskiy Pol’şa başqalası Varşavada xalıqqa möräcäğat’ itte.

Pol’şa kürsätkän xärbi yärdämneñ Ukrainağa kiräkle buluın häm bäysezlegenä öleş kertüen beldergän Zelenskiy: “Bezneñ bäysezlegebez sezneñ dä bäysezlegegezgä köç östi,” – dide.

Ukraina liderı Pol’şa xalqı häm citäkçelärenä Ukrainalılarğa qarata kürsätkän qunaqçıl totış öçen räxmät belderep bolay dide: “Ukraina häm Pol’şa iñne iñgä quysa, Rusiyä Awrupanı ciñä almas.”

Pol’şa prezidentı Andjey Duda da Rusiyädän taläp itelüe kiräk bulğan berdänber äyberneñ Ukraina cirlärennän şunduq çigenü buluın äytte.

“Bügen Mäskäw citäkçelegenä, Kreml’ğa açıq yullama yasıybız, bezne bülä almayaçaqsız,” – dide ul.

Duda Pol’şa häm Ukrainalılarnıñ yözlärçä yıllıq urtaq tarix belän ber-bersenä bäyle buluın äytep tübändägeçä däwam itte: “Kiräkle waqıtta Pol’şalılar bularaq ixtıyacı bulğan qardäşlärebezgä yärdäm qulın suzdıq. Ukrainağa tanklar, köbäle personal taşuçılar, gaubiŝalar häm oçqıçlar belän täêmin itäbez. Qalğan illärgä ürnäk bulabız häm qaywaqıt qoral belän täêmin itügä qarşı toruların ğayeplibez.”

Xalıqqa möräcäğat’ itkänçe küreşep söyläşjän Zelenskiy häm Pol’şalı räsmi zatlar törle mäs’älälärä kileşü imzaladı.

Duda Pol’şanıñ Ukrainağa xäzergä qadär 8 MİG-29 törendäge xärbi oçqıç cibärüen xäterlätep, tağın 6 oçqıçnıñ cibäreläçägen belderde.