Niderlandta timer yul hälakäte

Niderlandnıñ kön’yağında yulçı poyızdı yök poyızdı belän bäreleşte häm rel’slardan çıqtı. Hälakättä 1 keşeneñ ğomere özelde, 30 keşe awır yaralandı.

Waqıyğa Gaaga belän Amsterdam arasındağı Vorşoten şähäre tiräsendä kilep çığa. Anda bik küp aşığıç xäl törkeme cibärelä.

Niderland timer yulları şirkäte poyızdda 50 yulçı buluın citkerde.

Bäreleştän soñ yulçı poyızdınıñ aldağı vagonı rel’slardan çığa häm arttağı vagonda yanğın başlana. Yaralılarnıñ qayberlärenä waqıyğa urınında uq yärdäm kürsätelä, ikençelären xastaxanägä ozatalar.