Şaw-şulı yul xäräkäte qan basımın kütärä
Angliyädäge tikşerenüçelär transport tawışları belän gipertoniya arasında bäyläneş taptılar
Transport tawışlarınıñ yul yanında yäşäwçelärneñ qan basımın kütärä aluı açıqlandı.
Angliyädäge Lester universitetı tikşerenüçeläre şaw-şulı yul xäräkäte belän gipertoniya qurqınıçı arasında bäyläneş taptılar.
Êlekkege tikşerenülär şaw-şu yäki hawa pıçranuınıñ qan basımına niçek täêsir itüen bik açıq kürsätmi ide.
Läkin ğalimnär yaña tikşerenüneñ kiläçäktä êkologik säyäsätkä täêsir itä alırlıq “uyın almaştıruçı” buluın iskärtälär.
Tikşerenüçelär gipertoniya bulmağan 40 yäş’tän 69 yäş’kä qadärge 240 meñnän artıq keşeneñ mäğ’lümatların analizladılar.
Yul xäräkäte göreltese yanında yäşäwçelärneñ qan basımı kütärelü mömkinlegeneñ yuğarı buluı, läkin şul uq waqıtta bu qurqınıçnıñ şaw - şu küläme belän artuı açıqlandı.
Lester tirä - yaq moxit sälamätlege häm totrıqlılıq üzägennän Samuêl’ Y Say äytüençä, 8 yıllıq küzätügä nigezlängän tikşerenü Angliyädä ozaq waqıtlı yul xäräkäte şaw-şuınıñ qan basımı kütärelügä yoğıntısın turıdan-turı tikşergän berençe tikşerenü buldı.
