Biş planeta Ay belän ber sızıqqa tezelde
Hawanıñ açıq buluı näticäsendä älege küreneşne kön buyı küzätep bulaçaq
Merkuriy, Yupiter, Venera, Uran häm Mars planetaları uzğan töndä Ay belän ber rätkä tezelde.
BBCneñ xäbärenä qarağanda, “parad” dip ataluçı bu küreneştä planetalar Qoyaş bayığanda kük yözendä Ay belän cäyä sızığı yasap tezelde.
Hawanıñ açıq buluı näticäsendä planetalarnıñ ber öleşen berniçä kön buyı küzätep bulaçaq.
Angliyäneñ Grinviç patşalıq observatoriyäsennän astronom Djeyk Foster tigezläşülärneñ bezneñ Cirdän qaraw poçmağına bäyle buluın äytte. “Planetalar, çınlıqta, xäzerge waqıtta ber ük sızıqta tügel, barısı Qoyaş sistemasında taralğan xäldä. Tik siräk bulsa da ber urında kürüebezne täêmin itärlek qadär kük yözendä yaqınlaşalar,”-dide ul.
Merkuriy, Venera, Mars, Yupiter häm Saturn bik yış bulmıy torğan planetalar qawışuında uzğan cäy bergä cıyılğan ide.
