Äfğanstanda tışqı êşlär ministrlığı binası yanında intixar höcüme
Äfğanstan başqalası Qabuldağı tışqı êşlär ministrlığı yanında oyıştırılğan intixar höcümendä 6 keşeneñ ğomere özelgän
Qabul iminlek mödirlege süzçese Halid Zädran matbuğatqa yasağan belderüendä höcümçeneñ ministrlıq urnaşqan uramğa kerü urınına yaqınayğan çaqta iminlek köçläre tarafınnan täêsirsez xälgä kiterelüen häm şul arada östendäge bombanıñ şartlawın äytte.
Höcüm näticäsendä tınıç xalıqtan 6 keşeneñ häläq buluın citkerüçe Zädran öçese “Taliban” äğ’zase berniçä keşeneñ dä yaralanuın belderde.
Qabulnıñ iñ zur sälamätlek saqlaw üzäklärennän Aşığıç yärdäm xastaxanäseneñ sośial’ media akkauntınnan yasalğan belderüdä tışqı êşlär ministrlığı yanında oyıştırılğan bombalı höcümdä ğomere özelgän 2 keşeneñ üle gäwdäläreneñ xastaxanägä kiterelüe äytelde.
Belderüdä höcüm näticäsendä ber bala belän bergä 12 keşeneñ yaralanuı iskärtelep uzıldı.
“Taliban” räsmilärennän älegä belderü yasalmağan bulsa, höcüm öçen cawaplılıqnı üz östenä aluçı bulmadı.
11nçe ğıynwarda da tışqı êşlär ministrlığına kerü urınında oyıştırılğan bombalı höcümdä 5 keşeneñ ğomere özelgän ide.
