Rusiyä Belarus'qa atom-töş qoralları urnaştıra
“Qorallarnı Belarus’qa tapşırmıybız, urnaştırabız, näq’ AQŞ Awrupada êşlägän şikelle,”-dide Putin
Rusiyä Belarus’ cirlärenä atom-töş qoralı urnaştıraçaq. Däwlät başlığı Vladimir Putin ike ilneñ bu mäs’älädä kileşüen belderde. Ul Rusiyäneñ monı “Atom-töş qoralların taratunı çikläw şartnamäse”n bozmıyça başqaraçağın assızıqlıy.
Putin Amerika Quşma Ştatlarınıñ Awrupadağı atom-töş qoralları turında iskärtep: “Qorallarnı Belarus’qa tapşırmıybız, urnaştırabız, näq’ AQŞ Awrupada êşlägän şikelle,”-dide. Ul Rusiyäneñ älegä qadär Belarus’qa taktik atom-töş qoral taşuçı 10 hawa apparatı cibärüläre turında citkerde.
Rusiyä liderı Belarus’ta atom-töş qoralları urnaştırılaçaq ob’yektlarnıñ tözeleşeneñ 1nçe iyül’gä qadär tögällänäçägen äytä.
Putin Tön’yaq Ağım gazütkärgeçlärendäge uzğan yılğı şartlawlarnı xäterlätte häm Pulitśer premiyäse laureatı Amerika jurnalistı Seymur Xerşnıñ älege şartlawlarnı AQŞ küzläw oyışmaları yasawı näticäsenä kilüen belderep: “Min monıñ belän tulısınça kileşäm,”-dide.
