Pol'şada küpme ukrainalı bar?

20 nçe martqa Ukrainadan Pol’şağa kergän qaçaqlar sanı 10 million 500 meñnän artqan.

Pol’şa çik saqçılarınıñ Twitter akkauntındağı belderüdä äytelgänçä, Ukraina - Rusiya suğışı başlanğannan birle (2022 nçe yılnıñ 24 nçe fevralendä) köçle migraśiya däwam itä.

Kiçä genä Ukrainadan Pol’şağa 23 meñ 900 keşe kergän, suğış başlanğannan birle Ukrainadan ilgä kilüçelär sanı 10 million 500 meñnän artqan.

Pol’şadan kitkän ukrainalılarnıñ ğomumi sanı 8 million 600 meñ dip terkälgän.

Pol’şada ütkärelgän soraştıru näticäläre kürsätkänçä, ildäge keşelärneñ 81%ı Rusiya –Ukraina suğışı arqasında ilgä kilgän qaçaqlarğa yärdäm kürsätergä kiräk dip sanıy.