Germaniyada rasaçı cinayät'lär arttı
Germaniyädä 2022nçe yılda mäçetlärgä häm möselmannarğa qarşı kimendä 569 cinayät’ qılınğan
Germaniyädä çiktän tış uñçılar uzğan yıl kimendä 23 meñ 83 cinayät’ qıldı. İlneñ federal’ kriminal’ idaräse äzerlägän xisapqa qarağanda, uñçı êkstremistlarnıñ 2017nçe yılda – 20 520, 2018dä – 20 431 häm 2019da – 22 342 cinayät’ êşläwe terkälde.
2020nçe yılda älege ğamällär 23 meñ 604kä citep rekord däräcägä mengän ide. 2021nçe yılda uñçı êkstremistlar êşlägän cinayät’lär 21 meñ 964 buldı.
Ä menä 2022nçe yılda älege tör qırın ğamällär qabat arttı häm 23 meñ 83 bularaq terkälde.
Germaniyädä 2022nçe yılda mäçetlärgä häm möselmannarğa qarşı kimendä 569 cinayät’ qılınğan. Bolarnıñ xalıqnı qotırtu, yaralaw, mısqıllaw, yanaw, mal-mölkätkä zıyan salu yäisä konstituśiyägä qarşı kilüçe simvollar qullanu sıman ğamällär buluı belderelde.
Uzğan yıl möselmannarğa yünältelgän höcümnär qısalarında 25 keşe yaralanğan, 45 tapqır mäçetkä höcüm itkännär.
Germaniyädä 2022nçe yılda yähüdlärgä qarşı tulayım 2 meñ 639 cinayät’ bula
Bu mäs’älä belän bäyle yomğaqlaw xisabı berniçä aydan soñ açıqlanaçaq. Andağı sannarnıñ tağın da yuğarı buluı kötelä.
